| katapi New Study Bible - Vulgate Latin || Wycliffe || Douay Rheims Bible |
|---|
| 4 | LIBER CANTICUM CANTICORUM | Songes of Songes - Wycliffe Bible(14c) | Canticles - Douay Rheims(17c) | Reference |
|---|---|---|---|---|
| 1 | SPONSUS. Quam pulchra es, amica mea ! quam pulchra es ! Oculi tui columbarum, absque eo quod intrinsecus latet. Capilli tui sicut greges caprarum quæ ascenderunt demonte Galaad. | He. Sg.4.1-15 | ||
| 2 | Dentes tui sicut greges tonsarum quæ ascenderunt de lavacro; omnes gemellis fœtibus, et sterilis non est inter eas. | |||
| 3 | Sicut vitta coccinea labia tua, et eloquium tuum dulce. Sicut fragmen mali punici, ita genæ tuæ, absque eo quod intrinsecus latet. | |||
| 4 | Sicut turris David collum tuum, quæ ædificata est cum propugnaculis; mille clypei pendent ex ea, omnis armatura fortium. | |||
| 5 | Duo ubera tua sicut duo hinnuli, capreæ gemelli, qui pascuntur in liliis. | |||
| 6 | Donec aspiret dies, et inclinentur umbræ, vadam ad montem myrrhæ, et ad collem thuris. | |||
| 7 | Tota pulchra es, amica mea, et macula non est in te. | |||
| 8 | Veni de Libano, sponsa mea: veni de Libano, veni, coronaberis: de capite Amana, de vertice Sanir et Hermon, de cubilibus leonum, de montibus pardorum. | |||
| 9 | Vulnerasti cor meum, soror mea, sponsa; vulnerasti cor meum in uno oculorum tuorum, et in uno crine colli tui. | |||
| 10 | Quam pulchræ sunt mammæ tuæ, soror mea sponsa ! pulchriora sunt ubera tua vino, et odor unguentorum tuorum super omnia aromata. | |||
| 11 | Favus distillans labia tua, sponsa; mel et lac sub lingua tua: et odor vestimentorum tuorum sicut odor thuris. | |||
| 12 | Hortus conclusus soror mea, sponsa, hortus conclusus, fons signatus. | |||
| 13 | Emissiones tuæ paradisus malorum punicorum, cum pomorum fructibus, cypri cum nardo. | |||
| 14 | Nardus et crocus, fistula et cinnamomum, cum universis lignis Libani; myrrha et aloë, cum omnibus primis unguentis. | |||
| 15 | Fons hortorum, puteus aquarum viventium, quæ fluunt impetu de Libano. | |||
| 16 | SPONSA. Surge, aquilo, et veni, auster: perfla hortum meum, et fluant aromata illius. | She. Sg.4.16 | ||
| 1 | Veniat dilectus meus in hortum suum, et comedat fructum pomorum suorum. SPONSUS. Veni in hortum meum, soror mea, sponsa; messui myrrham meam cum aromatibus meis; comedi favum cum melle meo; bibi vinum m |
He. Sg.5.1 | ||
| 2 | SPONSA. Ego dormio, et cor meum vigilat. Vox dilecti mei pulsantis: SPONSUS. Aperi mihi, soror mea, amica mea, columba mea, immaculata mea, quia caput meum plenum est rore, et cincinnimei guttis noctium. |
The fourth song. She (a). He (b). Sg.5.2 | ||
| 3 | SPONSA. Expoliavi me tunica mea: quomodo induar illa? lavi pedes meos: quomodo inquinabo illos? | She. Sg.5.3-8 | ||
| 4 | Dilectus meus misit manum suam per foramen, et venter meus intremuit ad tactum ejus. | |||
| 5 | Surrexi ut aperirem dilecto meo; manus meæ stillaverunt myrrham, et digiti mei pleni myrrha probatissima. | |||
| 6 | Pessulum ostii mei aperui dilecto meo, at ille declinaverat, atque transierat. Anima mea liquefacta est, ut locutus est; quæsivi, et non inveni illum; vocavi, et non respondit mihi. | |||
| 7 | Invenerunt me custodes qui circumeunt civitatem; percusserunt me, et vulneraverunt me. Tulerunt pallium meum mihi custodes murorum. | |||
| 8 | Adjuro vos, filiæ Jerusalem, si inveneritis dilectum meum, ut nuntietis ei quia amore langueo. | |||
| 9 | CHORUS. Qualis est dilectus tuus ex dilecto, o pulcherrima mulierum? qualis est dilectus tuus ex dilecto, quia sic adjurasti nos? | The women. Sg.5.9 | ||
| 10 | SPONSA. Dilectus meus candidus et rubicundus; electus ex millibus. | She. Sg.5.10-16 | ||
| 11 | Caput ejus aurum optimum; comæ ejus sicut elatæ palmarum, nigræ quasi corvus. | |||
| 12 | Oculi ejus sicut columbæ super rivulos aquarum, quæ lacte sunt lotæ, et resident juxta fluenta plenissima. | |||
| 13 | Genæ illius sicut areolæ aromatum, consitæ a pigmentariis. Labia ejus lilia, distillantia myrrham primam. | |||
| 14 | Manus illius tornatiles, aureæ, plenæ hyacinthis. Venter ejus eburneus, distinctus sapphiris. | |||
| 15 | Crura illius columnæ marmoreæ quæ fundatæ sunt super bases aureas. Species ejus ut Libani, electus ut cedri. |