| 30 |
LIBER IESU FILII SIRACH |
Syrach - Wycliffe Bible(14c) |
Ecclesiasticus - Douay Rheims(17c) |
Reference |
| 1 | Qui diligit filium suum assiduat illi flagella, ut lætetur in novissimo suo, et non palpet proximorum ostia. |
|
| Children. Sir.30.1-13 |
| 2 | Qui docet filium suum laudabitur in illo, et in medio domesticorum in illo gloriabitur. |
|
| |
| 3 | Qui docet filium suum in zelum mittit inimicum, et in medio amicorum gloriabitur in illo. |
|
| |
| 4 | Mortuus est pater ejus, et quasi non est mortuus: similem enim reliquit sibi post se. |
|
| |
| 5 | In vita sua vidit, et lætatus est in illo: in obitu suo non est contristatus, nec confusus est coram inimicis: |
|
| |
| 6 | reliquit enim defensorem domus contra inimicos, et amicis reddentem gratiam. |
|
| |
| 7 | Pro animabus filiorum colligabit vulnera sua, et super omnem vocem turbabuntur viscera ejus. |
|
| |
| 8 | Equus indomitus evadit durus, et filius remissus evadet præceps. |
|
| |
| 9 | Lacta filium, et paventem te faciet: lude cum eo, et contristabit te. |
|
| |
| 10 | Non corrideas illi, ne doleas, et in novissimo obstupescent dentes tui. |
|
| |
| 11 | Non des illi potestatem in juventute, et ne despicias cogitatus illius. |
|
| |
| 12 | Curva cervicem ejus in juventute, et tunde latera ejus dum infans est, ne forte induret, et non credat tibi, et erit tibi dolor animæ. |
|
| |
| 13 | Doce filium tuum, et operare in illo, ne in turpitudinem illius offendas. |
|
| |