katapi New Study Bible - THE OLD TESTAMENT IN GREEK - according to the SEPTUAGINT (LXX)

---

ΓΕΝΕΣΙΣ ΚΟΣΜΟΥ | LIBER GENESIS | Genesis ΕΞΟΔΟΣ | EXODUS | Exodus ΛΕΥΕΙΤΟΚΟΝ | LIBER LEVITICUS | Leviticus ΑΡΙΘΜΟΙ | NUMERI | Numbers ΔΕΥΤΕΡΟΝΟΜΙΟΝ | DEUTERONOMIUM | Deuteronomy ΙΗΣΟΥΣ | JESUE | Joshua ΚΡΙΤΑΙ (ΑΛΕΧΑΝΔΡΙΝΟΥΣ) | IUDICUM | Judges ΡΟΥΘ | LIBER RUTH | Ruth ΒΑΣΙΛΕΙΩΝ Α | LIBER SAMUHELIS I | 1 Kingdoms ΒΑΣΙΛΕΙΩΝ Β | LIBER SAMUHELIS II | 2 Kingdoms ΒΑΣΙΛΕΙΩΝ Γ | LIBER MALACHIM III REGUM | 3 Kingdoms ΒΑΣΙΛΕΙΩΝ Δ | LIBER MALACHIM IV REGUM | 4 Kingdoms ΠΑΡΑΛΕΙΠΟΜΕΝΩΝ Α | PARALIPOMENON I | 1 Chronicles ΠΑΡΑΛΕΙΠΟΜΕΝΩΝ Β | PARALIPOMENON II | 2 Chronicles ΕΣΔΡΑΣ Β | I ESDRAS | Ezra ΕΣΔΡΑΣ Β | II ESDRAS | Nehemia ΕΣΘΗΡ | HESTER | Esther ΙΩΒ | JOB | Job ΨΑΛΜΟΙ | LIBER PSALMORUM | Psalms ΠΑΡΟΙΜΙΑΙ | LIBER PROVERBIORUM SALOMONIS | Proverbs ΕΚΚΛΗΣΙΑΣΤΗΣ | LIBER ECCLESIASTES | Ecclesiastes ΑΣΜΑ | LIBER CANTICUM CANTICORUM | Song of Solomon ΗΣΑΙΑΣ | ISAIAS PROPHETA | Isaiah ΙΕΡΕΜΙΑΣ | JEREMIAS PROPHETA | Jeremiah ΘΡΗΝΟΙ | LAMENTATIONES | Lamentations ΙΕΖΕΚΙΗΛ | EZECHIEL PROPHETA | Ezekiel ΔΑΝΙΗΛ (ΚΑΤΑ ΘΕΟΔΟΤΙΩΝΑ) | DANIHELIS PROPHETAE | Daniel ΩΣΗΕ | OSEE PROPHETA | Hosea ΙΩΗΛ | JOEL PROPHETA | Joel ΑΜΩΣ | AMOS PROPHETA | Amos ΟΒΔΕΙΟΥ | ABDIAS PROPHETA | Obadiah ΙΩΝΑΣ | JONAS PROPHETA | Jonah ΜΕΙΧΑΙΑΣ | MICHEAS PROPHETA | Micah ΝΑΟΥΜ | NAHUM PROPHETA | Nahum ΑΜΒΑΚΟΥΜ | HABACUC PROPHETA | Habakkuk ΣΟΦΟΝΙΑΣ | SOPHONIAS PROPHETA | Zephaniah ΑΓΓΑΙΟΣ | AGGEUS PROPHETA | Haggai ΖΑΧΑΡΙΑΣ | ZACCHARIAS PROPHETA | Zechariah ΜΑΛΛΑΚΙΑΣ | MALACHIAS PROPHETA | Malachi ΤΩΒΕΙΤ | LIBER TOBIAE | Tobit ΙΟΥΔΕΙΘ | JUDITH | Judith ΣΟΦΙΑ ΣΑΛΩΜΩΝΟΣ | LIBER SAPIENTIAE SOLOMONIS | Wisdom of Solomon ΣΟΦΙΑ ΣΕΙΡΑΧ | LIBER IESU FILII SIRACH | Ecclesiasticus ΒΑΡΟΥΧ | LIBER BARUCH | Baruch ΕΠΙΣΤΟΛΗ ΙΕΡΕΜΙΟΥ | LIBER BARUCH | Letter of Jeremiah ΣΟΥΣΑΝΝΑ (Θ) | DANIHELIS PROPHETAE | Susan ΒΗΛ ΚΑΙ ΔΡΑΚΩΝ (Θ) | DANIHELIS PROPHETAE | Bel ΜΑΚΚΑΒΑΙΩΝ Α | MACHABEES I | 1 Maccabees ΜΑΚΚΑΒΑΙΩΝ Β | MACHABEES II | 2 Maccabees ΕΣΔΡΑΣ Α | III ESDRAS | 1 Esdras ΜΑΚΚΑΒΑΙΩΝ Γ | MACHABEES III | 3 Maccabees ΜΑΚΚΑΒΑΙΩΝ Δ | MACHABEES IV | 4 Maccabees ΩΔΑΙ | Odes ΠΣΑΛΜΟΙ ΣΟΛΟΜΩΝΤΟΣ | Psalms of Solomon

12345678910111213141516171819202122232425262728293031323334353637383940414243444546474849505152

↓

↑↓

LXX||BHS

ΙΕΡΕΜΙΑΣ

47

¹ Ὁ λόγος ὁ γενόμενος παρὰ κυρίου πρὸς Ιερεμιαν ὕστερον μετὰ τὸ ἀποστεῖλαι αὐτὸν Ναβουζαρδαν τὸν ἀρχιμάγειρον τὸν ἐκ Δαμαν ἐν τῷ λαβεῖν αὐτὸν ἐν χειροπέδαις ἐν μέσῳ ἀποικίας Ιουδα τῶν ἠγμένων εἰς Βαβυλῶνα.

² Καὶ ἔλαβεν αὐτὸν ὁ ἀρχιμάγειρος καὶ εἶπεν αὐτῷ Κύριος ὁ θεός σου ἐλάλησεν τὰ κακὰ ταῦτα ἐπὶ τὸν τόπον τοῦτον, ³ καὶ ἐποίησεν κύριος, ὅτι ἡμάρτετε αὐτῷ καὶ οὐκ ἠκούσατε αὐτοῦ τῆς φωνῆς. ⁴ ἰδοὺ ἔλυσά σε ἀπὸ τῶν χειροπέδων τῶν ἐπὶ τὰς χεῖράς σου· εἰ καλὸν ἐναντίον σου ἐλθεῖν μετ' ἐμοῦ εἰς Βαβυλῶνα, ἧκε, καὶ θήσω τοὺς ὀφθαλμούς μου ἐπὶ σέ· ⁵ εἰ δὲ μή, ἀπότρεχε καὶ ἀνάστρεψον πρὸς Γοδολιαν υἱὸν Αχικαμ υἱοῦ Σαφαν, ὃν κατέστησεν βασιλεὺς Βαβυλῶνος ἐν γῇ Ιουδα, καὶ οἴκησον μετ' αὐτοῦ ἐν μέσῳ τοῦ λαοῦ ἐν γῇ Ιουδα· εἰς ἅπαντα τὰ ἀγαθὰ ἐν ὀφθαλμοῖς σου τοῦ πορευθῆναι πορεύου. καὶ ἔδωκεν αὐτῷ ὁ ἀρχιμάγειρος δῶρα καὶ ἀπέστειλεν αὐτόν. ⁶ καὶ ἦλθεν πρὸς Γοδολιαν εἰς Μασσηφα καὶ ἐκάθισεν ἐν μέσῳ τοῦ λαοῦ τοῦ καταλειφθέντος ἐν τῇ γῇ.

⁷ Καὶ ἤκουσαν πάντες οἱ ἡγεμόνες τῆς δυνάμεως τῆς ἐν ἀγρῷ, αὐτοὶ καὶ οἱ ἄνδρες αὐτῶν, ὅτι κατέστησεν βασιλεὺς Βαβυλῶνος τὸν Γοδολιαν ἐν τῇ γῇ καὶ παρεκατέθετο αὐτῷ ἄνδρας καὶ γυναῖκας αὐτῶν, οὓς οὐκ ἀπῴκισεν εἰς Βαβυλῶνα. ⁸ καὶ ἦλθεν πρὸς Γοδολιαν εἰς Μασσηφα Ισμαηλ υἱὸς Ναθανιου καὶ Ιωαναν υἱὸς Καρηε καὶ Σαραιας υἱὸς Θαναεμεθ καὶ υἱοὶ Ωφε τοῦ Νετωφατι καὶ Ιεζονιας υἱὸς τοῦ Μοχατι, αὐτοὶ καὶ οἱ ἄνδρες αὐτῶν. ⁹ καὶ ὤμοσεν αὐτοῖς Γοδολιας καὶ τοῖς ἀνδράσιν αὐτῶν λέγων Μὴ φοβηθῆτε ἀπὸ προσώπου τῶν παίδων τῶν Χαλδαίων· κατοικήσατε ἐν τῇ γῇ καὶ ἐργάσασθε τῷ βασιλεῖ Βαβυλῶνος, καὶ βέλτιον ἔσται ὑμῖν· ¹⁰ καὶ ἰδοὺ ἐγὼ κάθημαι ἐναντίον ὑμῶν εἰς Μασσηφα στῆναι κατὰ πρόσωπον τῶν Χαλδαίων, οἳ ἂν ἔλθωσιν ἐφ' ὑμᾶς, καὶ ὑμεῖς συναγάγετε οἶνον καὶ ὀπώραν καὶ συναγάγετε ἔλαιον καὶ βάλετε εἰς τὰ ἀγγεῖα ὑμῶν καὶ οἰκήσατε ἐν ταῖς πόλεσιν, αἷς κατεκρατήσατε. ¹¹ καὶ πάντες οἱ Ιουδαῖοι οἱ ἐν γῇ Μωαβ καὶ ἐν υἱοῖς Αμμων καὶ οἱ ἐν τῇ Ιδουμαίᾳ καὶ οἱ ἐν πάσῃ τῇ γῇ ἤκουσαν ὅτι ἔδωκεν βασιλεὺς Βαβυλῶνος κατάλειμμα τῷ Ιουδα καὶ ὅτι κατέστησεν ἐπ' αὐτοὺς τὸν Γοδολιαν υἱὸν Αχικαμ, ¹² καὶ ἦλθον πρὸς Γοδολιαν εἰς γῆν Ιουδα εἰς Μασσηφα καὶ συνήγαγον οἶνον καὶ ὀπώραν πολλὴν σφόδρα καὶ ἔλαιον.

¹³ Καὶ Ιωαναν υἱὸς Καρηε καὶ πάντες οἱ ἡγεμόνες τῆς δυνάμεως οἱ ἐν τοῖς ἀγροῖς ἦλθον πρὸς Γοδολιαν εἰς Μασσηφα ¹⁴ καὶ εἶπαν αὐτῷ Εἰ γνώσει γινώσκεις ὅτι Βελισα βασιλεὺς υἱῶν Αμμων ἀπέστειλεν πρὸς σὲ τὸν Ισμαηλ πατάξαι σου ψυχήν; καὶ οὐκ ἐπίστευσεν αὐτοῖς Γοδολιας. ¹⁵ καὶ Ιωαναν εἶπεν τῷ Γοδολια κρυφαίως ἐν Μασσηφα Πορεύσομαι δὴ καὶ πατάξω τὸν Ισμαηλ καὶ μηθεὶς γνώτω, μὴ πατάξῃ σου ψυχὴν καὶ διασπαρῇ πᾶς Ιουδα οἱ συνηγμένοι πρὸς σὲ καὶ ἀπολοῦνται οἱ κατάλοιποι Ιουδα. ¹⁶ καὶ εἶπεν Γοδολιας πρὸς Ιωαναν Μὴ ποιήσῃς τὸ πρᾶγμα τοῦτο, ὅτι ψευδῆ σὺ λέγεις περὶ Ισμαηλ.